Белорусский экзархат Московского патриархата
HRAMVSR.BY Центр духовного просвещения и социального служения
"Всех скорбящих Радость", Минск
Пра Барысаглебскую капліцу-музей Першай сусветнай вайны раскажа праграма “Святло душы”
| 16 НОЯБРЯ 2018 (Пятница) 10:14:27 17 лістапада на Першым нацыянальным канале Беларускага радыё прагучыць праграма "Святло душы", якая раскажа пра Барысаглебскую капліцу-музей Першай сусветнай вайны.Многім вядома невялічкая вёска Заброддзе на вілейшчыне, дзе знаходзіцца праваслаўная капліца ў гонар князёў Барыса і Глеба з музеем Першай сусветнай вайны. Там сабраны артэфакты - сведкі баявых дзеянняў. Стварылі яго Барыс Барысавіч і Валянціна Пятроўна Цітовічы - творчая сям'я, якая пасялілася тут шмат гадоў таму. Распытаўшы месцічаў, сталі вызначаць помнікамі месцы воінскіх пахаванняў. У наш час Цітовічамі створаны мемарыялы ля Рускага сяла, вёсак Папоўцы, Заброддзе, Бараўцы. І сто гадоў таму нашы суайчыннікі па ўласнай ініцыятыве ставілі помнікі салдатам Першай сусветнай. Іх фотаздымкі захавала гісторыя. Адным з апошніх ля капліцы ўстяляваны каменны знак у гонар генерала ад інфантэрыі Уладзіміра Смірнова. Ён камандаваў Другім фронтам, лінія якога праходзіла праз вілейшчыну. Воінскі шлях палкаводца пачынаўся на беларускай зямлі. Ён скончыў Полацкі кадэцкі корпус і першым месцам службы паручніка Смірнова стаў Полацкі пяхотны полк. Быў удзельнікам трох войнаў - руска-турэцкай, японскай і Першай сусветнай. У сталым узросце генерал Смірноў прайшоў сваю апошнюю вайну, быў узяты заложнікам і зарублены шашкамі ў 1918 годзе ў Пяцігорску. Напярэдадні 100-годдзя заканчэння Першай сусветнай вайны супрацоўнікам Вілейскага краязнаўчага музея Андрэем Кракоткам у маскоўскіх архівах знойдзены імёны больш чым 350 воінаў, якія змагаліся на вілейшчыне, а ўсяго звыш 1500 чалавек, адзначаны на воінскіх пахаваннях. Слухайце праграму “Святло душы” 17 лістапада ў 7.30 і 20.20 на Першым нацыянальным канале Беларускага радыё. Паўтор у той жа дзень у 8.30 на канале “Культура”. У перадачы гучаць урыўкі кампазіцыі “Лісткі з паходнага сшытка” Валянціны Пятроўны Цітовіч, створанай паводле твораў удзельнікаў Вялікай вайны - Мікалая Гумілёва, Іллі Эрэнбурга, Валянціны Катаевай, князя Уладзіміра Палея і франтавых пісьмаў./ sobor.by/ (просмотров 3302) |
Новости разделов:
|
|||||
|
© www.sobor.by 2004 - 2025. |
|||||