BEL ENG DEU FRA

Пра дабрачынную акцыю ў Салігорску “Мы - разам!” раскажа праграма “Святло душы”

 
 
 
  
31 МАЯ 2018 (Четверг) 14:54:11
Новы выпуск праграмы “Святло душы”, які раскажа пра дабрачынную акцыю ў Салігорску “Мы - разам!”, слухайце 2 ліпеня ў 7:30 і 20:20 на Першым нацыянальным канале Беларускага радыё.

Слухайце ў праграме:

"У гэты дзень паўсюль у праваслаўных храмах узгадвалася евангельскае чытанне пра тое, як Хрыстос вылячыў сляпога ад нараджэння чалавека. Пра духоўны сэнс гэтага евангельскага сведчання казаў у звароце да вернікаў епіскап Слуцкі і Салігорскі Антоній.

Госці з Мінска, пра якіх узгадаў уладыка - гэта дзеткі інклюзіўнага хору “Радасць душы”, што прыехалі са сваімі бацькамі. Адметнасць калектыву ў тым, што спяваюць у ім звычайныя дзеці, і маленькія артысты са слабым зрокам, і наогул з яго адсутнасцю. Разам з бацькамі яны пабывалі на Літургіі, а потым адбылася сустрэча са Святланай Анатольеўнай Сянько - старшынёй Мінскай абласной арганізацыі Беларускага таварыства інвалідаў па зроку. Прайшлі практычныя заняткі па этыцы суправаджэння дзетак з інваліднасцю. А далей усе скіраваліся ў Чыжэвічы, дзе знаходзіцца адзін з даўніх храмаў Беларусі - царква Пакрова Богародзіцы , якой больш за 200 гадоў.

Некалі яна была пабудавана ў вёсцы Чыжэвічы, якая ўвайшла ў гарадскую мяжу. Менавіта тут служыў і ўславіў зямлю салігоршчыны святар Іаан Панкратовіч. Яшчэ пры яго жыцці храм у Чыжэвічах зачынілі. Айца Іаана расстралялі ў 1937- м за тое, што збіраў подпісы за ўзнаўленне набажэнстаў і заклікаў людзей падчас перапісу насельніцтва вызнаваць сваю веру. У царкве службы аднавіліся ў ваенны час і пасля храм не зачыняўся.

Пры Свята-Пакроўскім храме вядзецца актыўная місіянерская работа і адбываюцца дабрачынныя акцыі. У другі раз хор “Радасць душы” прыехаў сюды з канцэртам, можна сказаць, што гэта ён падараваў мясцовым жыхарам свята сустрэчы з мастацтвам. У сваю чаргу маленькім артыстам салігорскія філіялы слуцкага сыраробчага камбіната і Барысаўскага хлебазавода прапанавалі свае прысмакі. Гасцей з Мінска вітаў дзіцячы хор “Васількі” Салігорскай школы мастацтваў і настацель Свята-Пакроўскага прыхода протаіерэй Мікалай Лабынько.

Галоўных удзельнікаў свята - інклюзіўны хор “Радасць душы” аб'яднала ў дружны калектыў яго кіраўнік Алена Іванаўна Маслава.

Ёсць у хоры свая “зорачка” Марыяна Савіч. Дзяўчынка іграе на скрыпцы, флейце і мае адметны голас.

Бацькі актыўныя ўдзельнікі хору “Радасць душы”. На канцэрт у Салігорск яны везлі свах дзетак вялікай аўтакалонай, каб падзяліць радасць вандроўкі і творчасці разам са сваімі дзецьмі. Гэты музычны калектыў прапануе сапраўды ўнікальны вопыт: дзеці з інваліднасцю навучаюць звычайных дзяцей міласэрнасці"./ sobor.by/ Фото sluck-eparchiya.by
(просмотров 1355)

Скачать аудио





Новости разделов:

СМИ о Церкви

18 АПРЕЛЯ 2019
Радыёпраграма “Святло душы” - пра праваслаўны фестываль "Радасць"
21 МАРТА 2019
Презентация книги Вячеслава Бондаренко «Отец Иоанн Крестьянкин. И путь, и истина, и жизнь» - в программе «Свет души»
28 ФЕВРАЛЯ 2019
В программе «Свет души» - встреча с директором издательства «Четыре четверти» Лилианой Анцух
8 ФЕВРАЛЯ 2019
Праграма "Святло душы" раскажа пра пераклад Новага Запавету на беларускую мову Біблейскай камісіяй БПЦ
15 ЯНВАРЯ 2019
Радиопрограмма «Духовное слово» рассказала о Вифлееме (слушайте запись эфира)
13 ДЕКАБРЯ 2018
Программа «Свет души» расскажет о православном храме в Антарктике
29 НОЯБРЯ 2018
1 декабря программа «Свет души» вспомнит детского писателя и православного миссионера Бориса Ганаго
16 НОЯБРЯ 2018
Пра Барысаглебскую капліцу-музей Першай сусветнай вайны раскажа праграма “Святло душы”
16 НОЯБРЯ 2018
Вышел новый номер журнала "Врата Небесные"
16 НОЯБРЯ 2018
Священник-блогер Александр Кухта стал героем видеоролика на TUT.BY
8 НОЯБРЯ 2018
Праграма “Святло душы” раскажа пра фестываль “Званы памяці”, які прайшоў у Вілейцы
29 ОКТЯБРЯ 2018
Вышла программа "Архипастырь" с Патриархом Александрийским и всея Африки Феодором II

Rambler's Top100 Рейтинг@Mail.ru


© www.sobor.by 2004-2016.