Белорусский экзархат Московского патриархата
HRAMVSR.BY Центр духовного просвещения и социального служения
"Всех скорбящих Радость", Минск
Праграма “Святло душы” расказала пра дзейнасць Дома дыяканічнага сацыяльнага служэння ў Тарасаве
| 26 ИЮНЯ 2018 (Вторник) 15:04:16 Ёсць каля Мінска храм, які прыцягвае да сябе местачкоўцаў і жыхароў сталіцы. Вабіць даўняя слынная гісторыя: паселішча Тарасава - родавая спадчына дабравернага князя Канстанціна Астрожскага, абаронца Праваслаўя на мяжы 16-17 стагоддзяў, у часы наступлення ўніі.Данінай памяці князя стала адраджэнне ў Тарасаве ў канцы 20 стагоддзя храма Раства Багародзіцы. Тады ж быў закладзены сад удзячнасці і малітвы , а неўзабаве тут знайшлі спачын, у брацкім пахаванні, воінаў-абаронцаў гэтых мясцін у гады вайны. У тыя часы ў настаяцеля храма протаіерэя Сергія Кузьмянкова нарадзілася адна дабрачынная задума - стварыць Дом дыяканічнага сацыяльнага служэння. Дарэчы, чаму дом у Тарасаве мае назву “дыяканічны”? Яшчэ на зары хрысціянства існаваў так званы інстытут дыяканіс - жанчын, якія ажыццяўлялі пры царкве дабрачыннае служэнне. Цяперашні яго дырэктар Вольга Залеская мела сталы вопыт сацыяльнай работы. Новае месца працы стала зваротным у жыццёвым лёсе і прафесійным развіцці. У Тарасава мы трапілі з нагоды правядзення семінара-трэнінгу для работнікаў цэнтраў дзённага знаходжання інвалідаў і людзей састарэлага ўзросту. Такія сустрэчы ў дыяканічным доме адбываюцца даволі часта, на гэты раз сюды прыехалі прадстаўнікі Магілёўшчыны. Заняткі праходзілі ў нефармальнай атмасферы: у асноўным, маладыя людзі давяралі калегам свае сумненні, дзяліліся недахопамі і здабыткамі ў працы. На шчырую размову ўдзельнікаў трэнінгу настроіла Валянціна Пятроўна Абярган – кандыдат педагагічных навук, дацэнт кафедры кіравання і сацыяльнай работы філіяла Расійскага дзяржаўнага сацыяльнага ігстытута, якая лічыць вопыт працы дома дыяканічнага сацыяльнага служэння ў Тарасаве ўнікальным. Тут праходзяць валанцёрскую практыку яе студэнты. Адзін з заняткаў дапамагаў з пазытыўнага боку ацаніць сваю працу і справіцца з так званай праблемай “эмацыянальнага выгарання”. Яно аказалася карысным для Наталлі Лазоўскай - загадчыцы аддзялення дзённага знаходжання інвалідаў і людзей сталага ўзросту з Бялыніч. Не выпадкова гэты дом сацыяльнага служэння ў Тарасаве ўзнік у царкоўным асяродку духоўнасці і, акрамя практычных ведаў, навучае спачуванню, міласэрнасці, дабрыні. Пабываўшы ў Тарасаве, пабачыла шмат добрых змен: увайшлі ў сілу маладзенькія дрэўцы, забуялі кветнікі, побач з храмам з'явілася трапезная, якую наведваюць у абедзенны час і жыхары сталіцы. У планах айца Сергія Кузьмянкова пабудаваць духоўна-асветніцкі цэнтр і дзіцячы храм. Праграма “Святло душы” выйшла 23 чэрвеня ў 7.30 і 20.20 на Першым нацыянальным канале Беларускага радыё (106.2 FM). Паўтор у той жа дзень у 8.30 на канале “Культура” (102.9 FM). / sobor.by/ (просмотров 4076) |
Новости разделов:
|
|||||
|
© www.sobor.by 2004 - 2025. |
|||||