Белорусский экзархат Московского патриархата
HRAMVSR.BY Центр духовного просвещения и социального служения
"Всех скорбящих Радость", Минск
Праграма "Святло душы" раскажа пра падзеі фестывалю "Радасць" (аўдыязапіс)
| 30 ДЕКАБРЯ 2019 (Понедельник) 15:33:17 Стала добрай традыцыяй надыход свята Ражджаства Хрыстова адзначаць у сталіцы праваслаўнай выставай. У мінскім Палацы мастацтваў працягваецца праваслаўны фестываль “Рождественская Радость”. Ён пачаўся паказам фільма “Брацкая свечка”, які знаёміў з традыцыяй адной палескай вёскі. Яе жыхары збіраюць воск па хатах і з малітвай робяць вялікую свечку, якую потым запальваюць на свята ў сваім храме. Гэта нейкі сімвал самога фестывалю, на які збіраюцца людзі з розных прыходаў і храмаў Беларусі, Украіны, Малдовы, Расіі, блізкага і далёкага замежжа. Тут запальваецца агеньчык духоўных зносін, сустрэч, спраў міласэрнасці і малітвы.Увагу прыцягнула дабрачынная акцыя мінскага прыхода іконы Божай Маці "Усецарыца". Упершыню на фестывалі мінскія стараверы, якія будуюць свой храм. Яшчэ ў савецкі час давялося пабываць ва Углічы. Маленькі гарадок на Волзе ўразіў мноствам цэркваў, праўда, тады закрытых і занядбаных. На фестывалі - прадстаўнік аднаго з адроджаных вуглічскіх храмаў. Фестываль прапануе шмат музычных сустрэч і паэтычных спатканняў. Тут выступаюць свецкія хары і ансамблі, пасланцы мінскіх храмаў. У адыходзячым годзе выйшла другое выданне кнігі члена Саюза пісьменнікаў Беларусі і Расіі Вячаслава Бандарэнкі “Айцец Іаан Крэсцьянкін. І шлях, і ісціна, і жыццё”. На фестывалі адбылася сустрэча з яе аўтарам. Жаданым госцем фестывалю стаў архіепіскап Міхаіл Данскоў - адзін з аўтарытэтных прадстаўнікоў Рускай Праваслаўнай Царквы за мяжой. Ён нарадзіўся ў сям'і эмігрантаў, у Парыжы, дзе была вельмі моцная руская дыяспара. Першую яго дзіцячую споведзь прыняў свяціцель Іаан Шанхайскі, які вызначыў святарскі шлях будучага архіпастыра. Пасля пострыгу з імем Міхаіл ён узначальваў епархіі ў Амерыцы і Еўропе, суправаджаў мошчы вялікай княгіні Елісаветы па епархіях Рускай Праваслаўнай Царквы і наведаў Расію, Беларусь, Казахстан, Узбекістан, Азербайджан, краіны Балтыі. Як выхадца з эмігранцкага асяроддзя ўладыку Міхаіла запыталі: цяпер многія пакідаюць радзіму - хтосьці асуджае, іншыя падтрымліваюць такі выбар. А як ён ставіцца да цяперашняй эмігранцкай хвалі? Слухайце праграму “Святло душы” 28 снежня ў 7.30 і 20.30 на Першым нацыянальным канале Беларускага радыё./ sobor.by/ (просмотров 3234) |
Новости разделов:
|
|||||
|
© www.sobor.by 2004 - 2025. |
|||||