ГЛАВНАЯ
ФОТО
ВИДЕО
АУДИО
НОВОСТИ
ФОРУМПрацяг 23-й навукова-асветніцкай экспедыцыі “Дарога да святыняў” слухайце ў праграме "Святло душы"
|
| 6 ОКТЯБРЯ 2016 (Четверг) 14:40:48 У чарговым выпуску праграмы "Святло душы" - працяг 23-й навукова-асветніцкай экспедыцыі “Дарога да святыняў”. Познім вечарам мы завіталі ў Акцябрскі - пасёлак з багатай гісторыяй. З 1507 года ўзгадваецца вёска Рудабелка ( Рудыя Белкі) як маёмасць Мікалая Радзівіла, што была на гэтым месцы. Падчас грамадзянскай вайны і белапольскай акупацыі Рудабелка стала цэнтрам так званай Рудабельскай рэспублікі, дзе захоўвалася савецкая ўлада. У гады Вялікай Айчыннай тут быў цэнтр партызанскай зоны, працавалі школы, электрастанцыя, майстэрні. Тутэйшыя баявыя і працоўныя традыцыі адлюстраваліся ў аповесці Сяргея Грахоўскага “Рудабельская рэспубліка” і дакументальных фільмах. На цэнтральнай плошчы Акцябрскага падчас сустрэчы экспедыцыі шматлюдна... Пасля ідзем хрэсным ходам на ўскраіну пасёлка, да Свята-Пакроўскай царквы. Як кажа настаяцель айцец Герасім, людзі пажадалі адрадзіць яе на старым месцы. Шлях да храма асвячае лампада са Святым Агнём, дзівяць нябёсы зорным россыпам, які не ўбачыць у мегаполісе. Айцу Герасіму ўзгадваецца перадвялікодны вечар, калі людзі ідуць з храма дадому з запаленымі свечкамі... Так было і ў гэтую ноч, калі па вуліцах Акцябрскага разышліся агеньчыкі Святога Агню, што неслі людзі са свайго храма. Раніцай наступнага дня частка экспедыцыі накіравалася ў Азарычы. 1 верасня. Дзень ведаў. Хіба маглі мы не завітаць у школу? Азарыцкая сярэдняя школа мае багатыя традыцыі. Яна вядзе сваю гісторыю з адкрыцця ў 1865 годзе ў Азарычах царкоўна-прыходскай школы і адзначыла 150- ю гадавіну. Першы урок старшакласнікаў прайшоў у Доме культуры, дзе яны сустрэліся з удзельнікамі экспедыцыі. Падарункам для гасцей сталі вершы юных паэтаў - удзельнікаў школьнага літаратурнага конкурсу “Зямля пад белымі крыламі”. Урок гісторыі правёў прафесар Пётр Федаравіч Лысенка, якога завуць “беларускім Шліманам”. Той раскапаў міфічную Трою, а ён - гарадзішча Бярэсце, ды храм у Тураве 12 стагоддзя. Наступны прыпынак у Доме штодзённага знаходжання састарэлых. Як кажа суправаджаючы нас намеснік старшыні Калінкавіцкага райвыканкама Віктар Іванавіч Замосцік, тут працуюць самаадданыя людзі, якія імкнуцца падтрымаць цікавасць да жыцця ў сваіх падапечных. Есць этнаграфічны музей і малельны пакой, які часта наведвае святар Георгій Агіевіч. Мы зноў у дарозе... Галіна Антонаўна Панцялеева, старшыня азарыцкага сельскага савета, спяшаецца расказаць, як цікава праходзіць свята пасёлка, спартыўныя спаборніцтвы, у якіх задейнічаны ўсе яго жыхары, пра акцыю “Бессмяротны полк”: ля пасёлка адкрыты мемарыял вязням лагера смерці “Азарычы”. ... На ўскрайку дарогі стэлы з выявамі старых, жанчын і дзяцей. За калючым дротам гіблае балота, куды былі сагнаны ў сакавіку 1944 года больш за 50 тысяч людзей. Побач з мемарыялам - капліца ў гонар Аляксандра Неўскага. 19 сакавіка, у дзень вызвалення лагера, тут збіраюцца яго вязні і прамаўляюцца памінальня малітвы... Некалькі хвілін правядзеных тут перанеслі нас у іншае вымярэнне, пэўна, мы адчулі подых вечнасці... Нас бласлаўляе айцец Георгій, і мы зноў выпраўляемся ў дарогу... Слухайце праграму “Святло душы” 8 кастрычніка ў 7.30 на Першым нацыянальным канале Беларускага радыё. Паўтор у той жа дзень у 8.30 і 21. 30 на канале “Культура”. / sobor.by/ (просмотров 3281) |
Новости разделов:
