Белорусский экзархат Московского патриархата
HRAMVSR.BY Центр духовного просвещения и социального служения
"Всех скорбящих Радость", Минск
З дабрадатным агнём па Радашковічах , Калодзішчах и Ратамцы – слухайце праграму «Святло душы»
| 26 СЕНТЯБРЯ 2014 (Пятница) 19:19:09 Радашковічы-Калодзішчы-Ратамка - праграма прапануе прайсці заключную частку шляху экспедыцыі “Дарога да святыняў” з Дабрадатным Агнем ад Гроба Гасподняга....Нас сустракае гасцінная маладзечанская зямля. Ад вескі Палачаны выпраўляемся да Радашковіч, дзе сустракаць Святы Агонь сабраўся ўвесь гарадок. З хрэсным ходам ідзем да радашковіцкай царквы. Невялікі драўляны храм узнесся на высокай гары, адкуль відаць усе паселішча і , здаецца, так блізка вечаровае неба з палымнеючым захадам. Ільінская царква ў Радашковічах была адноўлена вернікамі ў 1942 годзе, пасля таго, як фашысты спалілі старадаўні Пакроўскі храм. Ставілі царкву драўляную і спадзяваліся, што пасля вайны пабудуюць каменную, але да сенняшняга дня маленькі Ільінскі храм малітоўна служыць сваім прыхаджанам. Есць ў ім і свая святыня - спіс цудатворнай Пачаеўскай іконы Божай Маці. Яшчэ за польскім часам у жыхаркі Радашковіч Дар”і Забаронак паміралі дзеці. Калі зноў нарадзілася дачушка, добрыя людзі параілі ей з дзіцем, пешшу, выправіцца ў Вільню да Вастрабрамскай Божай Маці. Калі дзяўчынка вырасла, яна кожны год хадзіла ў Вільню са сваімі дзецьмі,а потым з унукамі, каб аддзячыць Божай Маці і святым пакутнікам віленскім за радасць мацярынства і жыцця на зямлі. Аднойчы яна прынесла адтуль Пачаеўскі абраз Багародзіцы для радашковіцкай царквы. Некалькі гадоў таму гэты абраз праявіўся на шкле іконы і цяпер, дазнаўшыся пра цуд, да Ільінскага храма ў Радашковічах прыязджаюць паломнікі нават з замежжа. Запамінальным стала наведванне радашковіцкага інтэрната для дзяцей,якія засталіся без апекі бацькоў. У класах для самых маленькіх есць куток для цацак і ўтульныя крэслы, дзе можна пазаймаўшыся, пагуляць і паглядзець мульцікі. Класы для старэйшых уладкаваны найноўшымі формамі навучання. Есць тут сад і аранжэрэя, спартыўныя пляцоўкі, нават два музеі: краязнаўства і таранаў, бо інтэрнат носіць імя Мікалая Гастэлы - летчыка, які ў першыя дні вайны здзейсніў паветраны таран пад Радашковічамі. Дзеці праводзяць экскурсіі для наведвальнікаў і, можна сказаць, ствараюць музей сваей школы. Страціўшы родны, яны знайшлі тут утульны цёплы дом,з якога выпраўляюцца ў вялікае жыццё. Дзеля гэтага, як кажа дырэктар інтэрната, лаўрэат прэміі “За духоўнае адраджэнне” Ігар Міхайлавіч Дзятлоўскі, ажыццяўляецца праграма іх сацыялізацыі - прывучэння да самастойнасці. ...З іконамі і харугвамі Дабрадатны Агонь сустрэлі ў Калодзішчах. Па шляху хрэснага хода да нас далучаюцца цэлымі сем”ямі. Разам ідзем да новага храма ў гонар Купяціцкай іконы Божай Маці. Захавальнік Дабрадатнага Агню, протаіерэй Сергій Гардун, як заўжды, звяртаецца з духоўным словам да людзей. На шляху да Заслаўя яшчэ адзін незвычайны храм - Свята- Мікольскі ў Ратамцы. Са Святым Агнем мы зноў узнімаемся на ўзвышша да маленькай царквы, дзе нас чакаюць прыхаджане. Храм да самага купала ўпрыгожаны іконамі, аздобленымі карункамі розных акладаў, ад чаго падобны на дзівосны церам. Мікольскі храм як раз насупраць чыгуначнага прыпынку ў Ратамцы, кожны можа прыехаць і пабачыць гэтае дзіва. Але яго галоўная каштоўнасць -людзі разам з іх бацюшкам- айцом Аляксандрам. Пераняўшы Іерусалімскі Агонь, яны жадаюць нам і нашай экспедыцыі “Многая лета”. Сапраўды, у тых месцах дзе прайшлі шляхі “Дарогі да святынь”, як аднойчы падлічыў яе удзельнік Алесь Загорскі, па многіх сацыяльных і эканамічных паказчыках статыстыка паляпшаецца... Слухайце праграму “Святло душы 27 верасня ў 8.30 на Першым нацыянальным канале Беларускага радыё. Паўтор у той жа дзень у 21.30 на канале “Культура”. / sobor.by/ (просмотров 5726) |
Новости разделов:
|
|||||
|
© www.sobor.by 2004 - 2025. |
|||||