Белорусский экзархат Московского патриархата
HRAMVSR.BY Центр духовного просвещения и социального служения
"Всех скорбящих Радость", Минск
Запрашаецца моладзь у археалагічную валанцёрскую групу пры Свята-Елісееўскім Лаўрышаўскім манастыры
| 12 ФЕВРАЛЯ 2020 (Среда) 14:07:45 У археалагічнай экспедыцыі, якая праводзіцца пры Свята-Елісееўскім Лаўрышаўскім мужчынскім манастыры ў Навагрудскім раёне, штогод арганізуецца валанцёрская група моладзі і падлеткаў. У 2020 годзе група будзе дзейнічаць з 13 па 31 ліпеня. Запрашаюцца добраахвотнікі з ліку моладзі, студэнтаў і навучэнцаў, якім цікава правесці частку летніх канікул у добрай сяброўскай кампаніі, паспрабаваць сябе ва ўмовах экспедыцыйнага жыцця і займацца карыснай справай.Асабліва вітаюцца заяўкі ад моладзі, якая ўдзельнічае ў брацтвах і іншых праваслаўных аб’яднаннях, і ад падлеткаў (з 16 год), якія наведвалі нядзельныя школы пры царкоўных прыходах. Мэта – далучэнне моладзі і падлеткаў да практычнай дзейнасці па даследаванню і захаванню гісторыка-культурнай спадчыны. Валанцёры працуюць на археалагічных раскопках, праводзяцца таксама лекцыі, літаратурныя сустрэчы і экскурсіі. Удзельнікамі школьнага ўзросту кіруюць дасведчаныя педагогі. Грашовыя ўзносы для ўдзелу не патрэбны. Археалагічныя даследаванні вядуцца з 2011 г. па ініцыятыве Лаўрышаўскага манастыра (заснаваны ў XIII стагоддзі), з благаславення архіепіскапа Навагрудскага і Слонімскага Гурыя, а з 2016 г. – і з благаславення мітрапаліта Мінскага і Заслаўскага Паўла, Патрыяршага Экзарха ўсяе Беларусі. Даведкі і запіс па эл. адрасе: ekspiedycyja.lauryshava@gmail.com альбо па тэл.: 8 (029) 647 74 30. На здымках (2019 г.): 1 – раскопкі фундамента Крыжаўздвіжанскай капліцы Лаўрышаўскага манастыра XVI ст., 2 – праца ў падземным збудаванні XVIII ст., 3 – у музеі Лаўрышаўскага манастыра./ sobor.by/ eparhiya.by (просмотров 2329) |
Новости разделов:
|
|||||
|
© www.sobor.by 2004 - 2025. |
|||||