| | 15 МАЯ 2015 (Пятница) 14:27:20 “Беларуская мова і Царква: культурны, сацыяльны і духоўны аспекты” – на сустрэчу з такой назвай запрашае брацтва ў гонар Віленскіх мучанікаў 17-га мая ў 16:00 гадзiн у канферэнцзале Палаца культуры у Гродна. Сустрэча пройдзе ў межах рэгіянальнага міжнароднага духоўна-асветніцкага кірмашу “Беларусь Праваслаўная”.
Сустрэча адбудзецца ў фармаце панэльнай дыскусіі. У якасці экспертаў будуць прысутнічаць прадстаўнікі Біблейскай камісіі Беларускай Праваслаўнай Царквы і брацтва ў гонар Віленскіх мучанікаў г.Мінска, якія займаюцца перакладам Бібліі і літургічных тэкстаў на беларускую мову, а таксама выданнем праваслаўнай беларускамоўнай літаратуры.
Пачатак: 17 мая – 16:00.
Месца правядзення: Палац культуры тэкстыльшчыкаў – г.Гродна, пл.Савецкая, 6.
Эксперты:
Прафесар протаіярэй Сергій Гардун – прафесар Мінскіх духоўных школ, загадчык кафедры біблеістыкі і хрысціянскага веравучэння Інстытута тэалогіі БДУ, прадстаўнік Біблейскай камісіі Беларускай Праваслаўнай Царквы , клірык Свята-Духава кафедральнага сабора, кандыдат багаслоўя.
Прафесар Іван Чарота – перакладчык, славіст, літаратуразнавец, доктар філалагічных навук, прафесар, акадэмік Сербскай Акадэміі навук і мастацтваў, акадэмік Міжнароднай Славянскай Акадэміі навук, адукацыі, мастацтва і культуры, загадчык кафедры славянскіх літаратур БДУ, сакратар Біблейскай камісіі Беларускай Праваслаўнай Царквы па выпрацоўцы беларускай багаслоўскай тэрміналогіі.
Прадстаўнікі выдавецкага аддзелу брацтва ў гонар Віленскіх мучанікаў г.Мінска, якія займаюцца перакладам богаслужэбных тэкстаў, выданнем беларускамоўнай літаратуры, у тым ліку “Беларускага праваслаўнага календара”, часопіса “Праваслаўе”, а таксама мастацкай, навукова-багаслоўскай, духоўна-асветніцкай і іншай літаратуры: кандыдатка гістарычных навук Лідзія Кулажанка, Кастусь Антановіч, Таццяна Матрунчык.
Да ўдзелу ў сустрэчы арганізатары запрашаюць усіх, каго цікавіць пытанне беларускай мовы і месца яе ў Праваслаўнай Царкве.
Тэлефон для даведак: +375 29 587 54 81 - протаіярэй Георгій Рой.
kalozha.by
/ sobor.by/
(просмотров 2870) |
ГЛАВНАЯ
ФОТО
ВИДЕО
АУДИО
НОВОСТИ
ФОРУМ
