ГЛАВНАЯ
ФОТО
ВИДЕО
АУДИО
НОВОСТИ
РАСПИСАНИЕОпубликованы тропарь, кондак и молитва преподобному Леонтию архимандриту Виленскому, исповеднику
13 МАЯ 2011 (Пятница) 17:32:28 Напоминаем, что 15 мая 2011 года в минском Свято-Петро-Павловском соборе состоится прославление нового святого земли Белорусской — преподобного Леонтия, архимандрита виленского, исповедника. Чин прославления совершит Святой Синод Белорусской Православной Церкви во главе с митрополитом Минским и Слуцким Филаретом, Патриаршим Экзархом всея Беларуси. Тропарь, кондак и молитва преподобному Леонтию архимандриту Виленскому, исповеднику составлены клириком Свято-Духова кафедрального собора протоиереем Сергием Гордуном. Тропарь прп. Леонтию, архимандриту Виленскому, исповеднику, глас 8 Земли Пинския прозябение, края Виленскаго процветение, / Церкве Православныя защитниче,/ ереси латинския златоустый обличителю,/ пастырю добрый и благочестия учителю,/ веры истинныя доблий исповедниче, / преподобне отче Леонтие, моли Христа Бога спастися душам нашим. Кондак прп. Леонтию, архимандриту Виленскому, исповеднику, глас 8 Православия рачителя и ереси латинския обличителя, / златословеснаго ветию, научающа ясно вере истинней, / и образ дающа терпения в скорбех и напастех, / сего, вернии, в песнех достойных почтим, взывающе: / радуйся, Православия поборниче и твердый исповедниче. Молитва преподобному Леонтию, архимандриту Виленскому, исповеднику О всечестный угодниче Христов, преподобне отче Леонтие, града Пинска прозябéние, обители же Виленския и всея страны нашея похвало и украшение, великий православныя веры ревнителю и учителю, ты от юности твоея Господа зело возлюбил еси и иго Христово со тщанием нося, заповеди Того совершенно исполнил еси. Сего ради мы грешнии величаем тя и прославляем яко истинныя веры твердаго исповедника, святоотеческих преданий вернаго хранителя, Божественных учений златословеснаго проповедника, монашескаго жития устроителя, юных отрокόв в вере православней и благочестии наставника и учителя, святых и душеполезных книг писателя и печатника. О преподобне и богоблаженне отче Леонтие, ты во дни земнаго жития твоего ничесоже искал еси, точию еже волю Божию исполняти и чада паствы твоея управити во спасение, и того ради, ревнуя о Православней Церкви Божией, яко истинный и добрый пастырь, неблазненно обличал еси грехи и невежествия людския, уклонившиеся же от святыя православныя веры в душепагубную ересь латинскую на путь истины наставлял еси. Вéдуще тя христиан православных защитника и поборника, молим тя, отче преподобне: испроси нам у Господа благопотребныя дáры душáм и телесéм нашим: веру правую, спасения надежду несомненную, любовь же ко всем нелицемерную, во искушениих мужество, в злостраданиих терпение, в молитвах постоянство. Якоже во дни пóдвигов твоих земных ты иноков был еси наставник во обители Святаго Духа, тако и ныне сотвори святыми твоими молитвами, да и мы вси благодатию Божиею созиждемся во обитель Святаго Духа, последованием же житию твоему во образ преподобия и правды Христовы преобразимся. Испроси у Господа мир и тишину Церкви Православней и всем православным христианом вéдение чистыя истины, заблуждшия же и от Православия отпадшия к познанию истины призови, неверныя светом Евангелия просвети, грешныя к покаянию приведи и обрати, нам же всем послушание трудолюбное и мирное жительство молитвою твоею дáруй, да терпением течем на предлежащий нам подвиг жития сего временнаго, взирающе на Начальника веры и Совершителя Господа Иисуса, Емуже со Отцем и Святым Духом слава, честь и поклонение подобает во веки веков. Аминь. / sobor.by/ (просмотров 11388) |
Новости разделов:
