Белорусский экзархат Московского патриархата
VSR.SOBOR.by Приход храма иконы Божией Матери
"Всех скорбящих Радость", Минск
Радыёпраграма "Святло душы" расказала пра "песняра Вілейшчыны" Івана Лашутку
Спазнаў у мудрых кнігах Дабравесця,
Як годнасць чалавечую пранесці
Сярод спакусы, зайздрасці, хлусні.
Без гэтых кніг пражыць бы я не мог,
Бо сказана, што першым было слова
“Любоў”, з усіх высноў аснова.
І першай весцю было слова “Бог”.
У канцы жыцця Іван Іосіфавіч Лашутка стаў прыхаджанінам вілейскага храма праподобнай Марыі Егіпецкій. Але на працягу жыцця паэт і педагог нястомна сеяў у душах сваіх вучняў зярняткі дабра, саграваў святлом свайго Слова, і яны ўзняліся шчодрай нівай духоўнай годнасці і ўдзячнасці Настаўніку і старэйшаму сябру.
Іван Лашутка нарадзіўся ў 1933 годзе ў вёсачцы між светлых бароў, у якіх па восені палаюць верасы. Подых роднай вілейшчыны песціў любоў да роднага слова, да простага сялянскага ладу жыцця з яго чалавечай шчырасцю. Атрымаўшы дыплом настаўніка беларускай мовы і літаратуры, Іван Лашутка не застаўся ў сталіцы, а вярнуўся ў родныя мясціны, дзе расквітнеў яго педагагічны і паэтычны талент.
Данінай павагі і ўдзячнасці “пясняру Вілейшчыны” стала адкрыццё класа імя Івана Іосіфавіча Лашуткі ў трэцяй вілейскай школе, дзе апошнія гады жыцця ён працаваў .
У гэты дзень ўстанова выглядала асабліва ўрачыста і чакала колішніх вучняў, калег і родных Івана Іосіфавіча.
Свята ў трэцяй вілейскай школе пачалося з презентацыі класа імя Івана Лашуткі. На павялічаным ва ўсю сцяну фотаздымку ”песняр Вілейшчыны” паўстае сярод жытнёвай нівы. На стэндах – летапіс яго жыцця, фатаграфіі вучняў і яго вершы.
Я багатаму сам падам,
А ў беднага буду прасіць
Даць цярпення маім гадам,
Што яшчэ засталося пражыць.
На калені ўпаду перад тым,
Хто, абдзелены лёсам, жыве
Дабрыні каласком залатым
У пажухлай асенняй траве.
Толькі верай сумленнем радзім,
Толькі ім можна кланяцца ніц,
“ І тады будзе Слова..”, а з ім
І жыцця ўваскрэслага ніць….
Слухайце праграму “Святло душы” 24 снежня ў 7.30 на Першым нацыянальным канале Беларускага радыё. Паўтор у той жа дзень у 8.30 і 21.30 на канале “Культура”.
У праграме прымаюць удзел кіраўнік вілейскага Цэнтра эстэтычнага выхавання Таццяна Захарыч, дырэктар сярэдняй вілейскай школы №3 Мікалай Гіро, дачка Івана Лашуткі Лілія Іванаўна Цвярдоўская.
На фота Іван Лашутка. Фота з архіву "РГ"
/ sobor.by/
(просмотров 4883)
Новости разделов:
|
|||||
|
© www.sobor.by 2004 - 2026. |
|||||