ГЛАВНАЯ
ФОТО
ВИДЕО
АУДИО
НОВОСТИ
ФОРУМРадыёпраграма “Святло душы” - пра праваслаўны фестываль "Радасць"
| 18 АПРЕЛЯ 2019 (Четверг) 14:38:45 Міжнародны велікодны праваслаўны фестываль “Радасць” за час працы прапанаваў сустрэчы, дабрачынныя акцыі, прэзентацыі часопісаў і фільмаў, канцэртныя праграмы, літаратурныя вечары.Упершыню на фестываль завіталі госці з Крыма - Свята-Георгіеўскага Балаклаўскага манастыра на мысе Фіалент і Свята-Кліментаўскага Балаклаўскага манастыра. Зноў на фестывалі прадстаўнікі праваслаўных Узбекістана, прадстаўнікі старажытнага Дзерманскага манастыра ва Украіне. На зімовым фестывалі мінскі Свята-Елісавецінскі манастыр распачаў дабрачынную акцыю ў падтрымку Лагойскага Дома-інтэрната для састарэлых людзей і інвалідаў. Зараз яна працягваецца і сродкі збіраюцца для пабудовы алтара ў дамавой капліцы інтэрната. У межах фестывалю “Радасць” адбылася презентацыя кнігі Ірыны Токаравай “Іерусалімскія апавяданні” і мульдымедыйная вандроўка па Святой Зямлі. На працягу некалькіх гадоў Ірына Токарава, як паломніца, наведвала многія месцы, звязаныя з зямным служэннем Госпада Ісуса Хрыста, слухала расказы манашак Горненскага манастыра, дзе знаходзіла прытулак. Уражанні яна занатоўвала ў свой Іерусалімскі дзённік. Так склалася кніга, якая нядаўна выйшла з друку. Прывабліваюць ў ёй расказы горненскіх сёстраў, вандроўкі па евангельскіх кутках Іерусаліма. Асаблівае месца займае ў кнізе глава, прысвечаная храму Уваскрасення Хрыстова і яго святыням. Ёсць ў кнізе “Іерусалімскія апавяданні” расказ пра Віфліем. Адтуль упершыню прыехала на фестываль прадстаўніца віфлеемскага храма свяціцеля Мікалая. Перад пачаткам велікоднага фестывалю пострыг у Свята-Елісавецінскім манастры прыняла сястра Ядранка, якая нарадзілася ў Сербіі. Пляменніца сербскага святога мела доўгі шлях да веры, да манастырскага жыцця. Цяпер яна сястра Севасцьяна, узначальвае манастырскую пякарню і падзялілася з наведвальнікамі фестывалю сваёй гісторыяй. У мінулым сястра Севасьяна была ўрачом рэанімацыі і звяртанне чалавека да Бога таксама лічыць “духоўнай рэанімацыяй”. Раўнаапостальны Мікалай Касаткін - заснавальнік і першаіерарх японскай царквы з'яўляецца выдатным рускім місіянерам 20 стагоддзя. Жыццё і ўсе сілы яго былі аддадзены пропаведзі Евангелля ў Краіне Узыходзячага Сонца. Ён пакінуў нашчадкам сабор, 8 храмаў, 175 цэркваў, 278 прыходаў, узрасціў аднаго епіскапа, 34 іерэя, 115 прапаведнікаў. Агульная колькасць праваслаўных у Японіі дасягнула 34110 чалавек. Протаіерэй Іаан Васторгаў, наведаўшы Японію, пісаў: “Не было человека в Японии, после императора, который пользовался бы в стране такою известностью. В столице Японии не нужно было спрашивать, где русская православная миссия, довольно было сказать одно слово “Николай,” и буквально каждый рикша сразу знал, куда нужно было доставить гостя миссии. И православный храм назывался “Николай,” и место миссии также “Николай ,” даже само православие называлось именем “Николай.” У 2012 годзе ў Мінску ў мікрараёне Каменная горка быў асвечаны храм у гонар свяціцеля Мікалая Японскага і з'явілася ікона святога ахоўніка прыхода з часцінкай мошчаў. Свяціцель Мікалай Японскі - памочнік місіянераў, асветнікаў, катэхізатараў, і прыход вядзе вялікую асветніцкую і дабрачынную працу. Тут дзейнічаюць Цэнтр падтрымкі сям'і “Матуля”, дзіцячая студыя “Ражджаство”, школа практычнай геніялогіі, школа каліграфіі, наладжаны сувязі з Цэнтрам японскай культуры, што прадэманстравалі ўдзельнікі нядзельнай школы прыхода. Яны расказалі пра некаторыя традыцыі Японіі і праспявалі песню на японскай мове. Слухайце праграму “Святло душы” 20 красавіка ў 7.30 і 20.20 на Першым нацыянальным канале Беларускага радыё (106,2 FM). Паўтор у той жа дзень на канале “Культура” (102,9 FM) у 8.30. / sobor.by/ (просмотров 2745) |
Новости разделов:
