Белорусский экзархат Московского патриархата
HRAMVSR.BY Центр духовного просвещения и социального служения
"Всех скорбящих Радость", Минск
Богаяўленне – больш значнае свята, чым Нараджэнне Хрыстова
|
| 17 ЯНВАРЯ 2012 (Вторник) 14:50:50 Накшталт свята Нараджэння Гасподняга, або, як называюць яго ў народзе, Вадохрышча, трэба адзначыць, што гэтая народная назва не выяўляе сутнасці свята, а толькі нагадвае пра асвячэнне вады ў гэты дзень. Назва «Хрышчэнне Гасподняе», канешне, указвае на самую падзею, якая святкуецца, - Хрышчэнне Госпада ў рацэ Іярдан. Але ёсць яшчэ адна назва гэтага свята – Богаяўленне. І гэтая назва старэйшая, чым назва Хрышчэнне Гасподняе, хоць і ўжываецца цяпер не вельмі часта. Варта адзначыць, што і самое свята Багаяўлення вельмі старажытнае. Яно ўзыходзіць да апостальскіх часоў і згадваецца ў апостальскіх пастановах. У II ст. пра яго піша вядомы хрысціянскі пісьменнік Клімент Александрыйскі. Змест свята быў вельмі шырокі. Тут святкавалася і нараджэнне Госпада, і пакланенне Яму валхвоў, і Яго ўступленне на грамадскае служэнне, і самая падзея Хрышчэння, і першы цуд Госпада на вяселлі ў Кане Галілейскай. У IV ст. царкоўная свядомасць прыйшла да рашэння асобна адзначаць дзве важныя падзеі – падзею нараджэння Хрыстовага – і так з’явілася свята Ражаства - і падзею Хрышчэння Гасподняга. Пры гэтым у падзеі Хрышчэння мы звяртаем увагу не только на тое свяшчэннадзеянне, якое здзейсніў святы Іаан Хрысціцель над Госпадам – пагружэння Яго ў ваду, - але і на яўленне Святой Троіцы: Бог Айцец сведчыў пра Свайго Сына, Сын Божы прыняў Хрышчэнне, а Святы Дух у выглядзе голуба сышоў на Сына. Гэтая падзея ўмацоўвае нашу веру ў Святую Троіцу, паказвае нам неабходнасць Хрышчэння для нашага выратавання і выклікае ў нас пачуцце бязмернай падзякі нашаму Госпаду і Спасіцелю. Багаяўленне з’яўляецца больш значным святам і таму, што пра тое, што на зямлю прыйшоў Спасіцель, даведалася больш людзей, чым у дзень яго нараджэння. У Багаслужэбных тэкстах падкрэсліваецца перавага свята Багаяўлення над святам Ражаства. «Светел убо мимошедший праздник, светлейший же, Спас, приходящий… Воплотивыйся и паки грядый яве, Господи, слава Тебе» (Мінея, 2 студзеня першая сціхіра на сціхоўне вячэрні) «Ясен убо мимошэдший празник, славнейший же настоящий день…(там жа 3-ая сціхіра). / sobor.by/ Пратаіерэй Сергій Гардун, прафесар Мінскай духоўнай акадэміі (просмотров 9350) |
Новости разделов:
|
|||||
|
© www.sobor.by 2004 - 2025. |
|||||