Белорусский экзархат Московского патриархата
HRAMVSR.BY Центр духовного просвещения и социального служения
"Всех скорбящих Радость", Минск
Брацтва Уладзіміра Хіраска адзначыла Сабор навамучанікаў і вызнаўцаў зямлі Беларускай
| 31 ОКТЯБРЯ 2018 (Среда) 14:23:19 Брацтва ў гонар свяшчэннамучаніка Уладзіміра Хіраска пры мінскім прыходзе іконы Божай Маці "Усіх тужлівых Радасць" адзначыла Сабор навамучанікаў і вызнаўцаў зямлі Беларускай (28 кастрычніка) ушанаваннем памяці свайго нябеснага заступніка - свяшчэннамучаніка Уладзіміра Хіраска. У ноч з 26 на 27 кастрычніка духаўнік брацтва протаіерэй Аляксандр Пронін адслужыў разам з братчыкамі начную Літургію.У Літургіі прымала ўдзел каля 25 чалавек, па добрай традыцыі спяваў мужчынскі хор пад кіраўніцтвам Аляксандра Скалабана. Пасля набажэнства і пропаведзі айца Аляксандра моладзь накіравалася ў брацкі пакой, дзе свята працягнулася агапай. Гамонка са спевамі і гульнёй на музычных інструментах працягвалася да ранку, але, канешне, гэтага моладзі не хапіла. Таму ў панядзелак увечары, пасля малебна, братчыкі і госці брацтва працягнулі адзначэнне свята ў брацкім пакоі. Важнай падзеяй стала падвядзенне вынікаў чарговых выбараў старшыні брацтва. На гэты раз з яўнай перавагай большасць галасоў была аддадзена Аляксандру Пяткевічу, які гэту пасаду пасля гадовага перапынку будзе займаць ужо другі раз. У брацтве заведзена, што чалавек, які атрымоўвае другую колькасць галасоў, займае пасаду намесніка старшыні, такім чалавекам стала Наталля Сафронава. Брацтва таксама падвяло вынікі працы за мінулы год, за які братчыкі падрыхтавалі 2 спектаклі, здейснілі некалькі паходаў, адзін з якіх – з выхавальнікамі дзіцячага дома, арганізавалі паломніцтва ў Брэст, а таксама ажыццяўлялі паслушэнствы на прыходзе і дагляд за дзецьмі з мінскага дзіцячага дома №5. Дзякуй Богу, брацкая справа жыве, і кожны год у брацтва прыходзяць новыя людзі. Так, у лік братчыкаў была залічана Валянціна Патапеня. У наступным годзе брацтва плануе зрабіць не менш, таму запрашае зацікаўленых людзей далучыцца да агульнай дзейнасці. - Запрашаем і вас у брацтва, дзе вы, магчыма, знойдзеце занятак па душы: гэта і дапамога прыходу, і сацыяльная дзейнасць, паломніцтва, паходы і проста зносіны з веруючай моладдзю, - запрашаюць братчыкі. Брацтва збіраецца па панядзелках у 19.00 па адрасе - вул. Прытыцкага, 65 (ст.м. "Спартыўная"). Звязацца з брацтвам можна па тэлефоне 80295704825, 80447823718 (Павел). Таксама ёсць група ў вк: vk.com/club6343470 / sobor.by/ (просмотров 1926) |
Новости разделов:
|
|||||
|
© www.sobor.by 2004 - 2025. |
|||||