ГЛАВНАЯ
ФОТО
ВИДЕО
АУДИО
НОВОСТИ
РАСПИСАНИЕБрацтва Уладзіміра Хіраска адзначыла свой дзень народзінаў начной Літургіяй і агапай
| 2 НОЯБРЯ 2017 (Четверг) 15:10:44 28 кастрычніка, у дзень памяці навамучанікаў Мінскай епархіі, сярод якіх значыцца і святы навамучанік Уладзімір Хіраска, мінскае брацтва ў яго гонар пры прыходзе іконы “Усіх тужлівых Радасць” святкуе свой дзень нараджэння. Па добрай традыцыі, што цягнецца ўжо 10 гадоў, гэты дзень брацтва адзначае начной Літургіяй.Не стаў выключэннем і гэты год - начную Літургію адслужыў духаўнік брацтва і клірык прыхода протаіерэй Аляксандр Пронін. На жаль, па стане здароўя дя яго не змаглі далучыцца іерэй Дзмітрый Ворса (настяцель мінскага храма ў гонар святога Уладзіміра Хіраска) і протадыякан Яраслаў Блізнюк. Рэгентаваў хорам, які, як звычайна, склаўся з мужскіх галасоў, выпускнік Беларускай дзяржаўнай акадэміі музыкі Аляксандр Скалабан. - Вялікая падзяка дыякану Зміцеру Скварцову, які штогод у дзень нашага свята збірае хор, - адзначае кіраўнік брацтва Павел Вабішчэвіч. - У гэты год удзел у Літургіі прынялі не шмат нашых братчыкаў, але захаваліся ў памяці словы з Евангелія, што чыталася падчас Літургіі: “Не бойся, мало́е ста́да! бо Айцец ваш меў ласку даць вам Царства…”. Пасля Літургіі братчыкі адзначылі дзень народзінаў святочнай агапай пад спевы і вясёлы гоман, што працягваліся да 4 гадзіны раніцы бацькоўскай суботы, 28 кастрычніка. Такім чынам, некаторыя з братчыкаў засталіся пасля свята на паслушэнства – дапамагалі прыходу. Працяг свята адбыўся ў панядзелак увечары ў тым жа брацкім пакоі – ў навучальным корпусе прыхода. Братчыкі, а таксама госці з моладзевага брацтва Свята-Петра-Паўлаўскага прыхода падвялі вынікі дзейнасці за мінулы год і прынялі ў брацтва новых членаў. Апагеем вечара стала падвядзенне вынікаў штогадовага галасавання па вызначэнню старшыні брацтва, якім пасля гадовага перапынку ўжо ў шосты раз за гісторыю брацтва стаў Павел Вабішчэвіч. - У хуткім часе прыступім да новых подзвігаў! – аптымістычна настроены Павел. – Важна захаваць тую дзейнасць, якую мы праводзілі дагэтуль: падтрымка мінскага дзіцячага дома №5, наведванне школы-інтэрната ў вёсцы Чэхаўшчына, дапамога роднаму прыходу, пастаноўка і паказ спектакляў брацтва ў сацыяльных установах. Пры магчымасці паспрабуем распачаць і новыя напрамкі дзейнасці. Брацтва запрашае далучыцца да сваёй дзейнасці ўсіх жадаючых! / sobor.by/ (просмотров 2496) |
Новости разделов:
|
|||||
|
© www.sobor.by 2004-2016. |
|||||