ГЛАВНАЯ
ФОТО
ВИДЕО
АУДИО
НОВОСТИ
РАСПИСАНИЕЖурналу «Пакаленне» споўнілася 3 гады
| 1 АПРЕЛЯ 2014 (Вторник) 22:34:04 У Гродне адзначылі трохгоддзе праваслаўнага часопіса “Пакаленне” і прэзентавалі новы нумар, прысвечаны праблемам праваслаўных. Прэс-канферэнцыя з гэтай нагоды адбылася ў царкоўна-прыхадскім комплексе Каложскай царквы.Гродзенскі праваслаўны часопіс «Пакаленне» ўпершыню выйшаў у свет у 2011 годзе, дзякуючы яго заснавальніку іерэю Антонію Семілету, які на той момант выконваў функцыю рэдактара. З 2012 года галоўным рэдактарам выдання стала журналіст Алена Бабіч. Афіцыйны статус духоўна-асветніцкага СМІ «Пакаленне» набыў у 2013 годзе. Гэта адзіны глянцавы часопіс праваслаўнага кірунку ў Гродне. На яго старонках асвятляюць не толькі рэлігійныя тэмы, але і сацыяльныя, культурныя, філасофскія. «Да асвятлення жыцця Царквы патрэбна падыходзіць праблемна, жыва, цікава,» – гаворыць прэс-сакратар Гродзенскай епархіі протаіерэй Георгій Рой. Святар распавёў, што Гродзенская епархія адкрыта для кантактаў і камунікавання з журналістамі, дзеля чаго стварылі адмысловы інфармацыйны аддзел, які адкрыты для супрацоўніцтва са свецкімі СМІ. Першым крокам да карысных зносін стануць штомесячныя прэс-рэлізы, рассылку якіх прапануе рэгіянальным СМІ інфармацыйны аддзел. Таксама аддзел аказвае журналістам дапамогу ў пошуку экспертаў для асвятлення праваслаўнай тэматыкі. Цесныя кантакты з прэсай павінны дапамагчы пазбегнуць многіх памылак. На сустрэчы можна было пазнаёміцца з першымі нумарамі часопіса «Пакаленне» і гэткім чынам прасачыць яго эвалюцыю ад каляровага яркага выдання да сапраўднага твора мастацтва. Праўда, і першыя нумары не былі камяком: на якаснай паперы, з ілюстрацыямі, тэматычна разнастайныя. Цяпер кожны нумар «Пакалення» мае ўласную непаўторную вёрстку, тэму, герояў, сярод якіх асобы досыць вядомыя. Як спалучыць кампетэнтнасць, зразумеласць, цікавасць пры асвятленні рэлігійных падзей? Для якой аўдыторыі ў першую чаргу існуе часопіс «Пакаленне» ? Распавядае галоўны рэдактар выдання Алена Бабіч: «Мы эксперыментуем над тым, што такое твор журналісцкага мастацтва, каб атрымалася і якасна, і хораша. Дзеля гэтага ёсць некалькі асноўных рубрык. Напрыклад, рубрыка «Анфас» – гэта тое, што павінна ўплываць на ўвесь астатні нумар. Ёсць тэма нумара, але «Анфас» не обавязкова пра яе, ён пра чалавека. У якасці найбольш зорных герояў «Анфасу» у нас ужо былі Уладзімір Гурболікаў, інак Мікалай (Бембель), Віктар Праўдзюк, Арцём Кавалеўскі, архіманрдыт Сава (Мажука) і інш. Яшчэ адна рубрыка - «Вялікі рэпартаж». Мы едзем далёка, намагаемся жыць там нейкі час і вось пра гэта пішам. Асвячаем тэмы у гэтай рубрыцы вельмі разнастайный, найбольш сацыяльнага кірунку. Рубрыка, якая стаіць на памежжы свецкага і царкоўнага - «Свой шлях». Тут вернік расказвае, як ён прыйшоў да веры. І часта прыйшоў не так даўно, менавіта гэта цікавіць тых, хто ў пошуку. Аўдыторыя, якую акрэсліваем для сябе, – маладыя, праваслаўныя, інтэлегентыя. Мы заўсёды гаворым, што «Пакаленне» - гэта часопіс на 50% для праваслаўных і на 100% для ўсіх. Мы, відаць, нікога не зменім, але мы можам даць вось гэты штуршок, каб чалавек сам змяніў сябе хоць бы і нейкім невялікім чынам». Таленавіты фатограф зробіць для якаснага выдання немагчымае. Бывае, што якасныя здымкі выцягваюць не надта моцны матэрыял. Пра гэта ведае майстар Ігар Ждановіч, фотаздымкамі якога аздоблены нумары «Пакалення». Рабіць часопіс лепшым – задача не толькі рэдакцыйнага калектыву і аўтараў, але і чытачоў, якія сваімі водгукамі могуць паўплываць на змест «Пакалення». Часопіс рады вітаць крэатыўных аўтараў, выслухоўваць нечаканыя ідэі і ісці разам з часам. / sobor.by/ Па матэрыялах uspenyekoptevka.blogspot.com (просмотров 3051) |
Новости разделов:
|
|||||
|
© www.sobor.by 2004-2016. |
|||||