| | 10 ОКТЯБРЯ 2013 (Четверг) 16:32:01 Сустрэчу з праўнукам святога Серафіма Вырыцкага і духоўным выхаванцам старца Глінскай пустыні схіархімандрыта Іаана Маслава прапануе праграма “Святло душы”.
Гісторыя Аляксандра-Неўскай лаўры налічвае тры стагоддзі. Лаўра, пабудаваная па загаду Пятра I як духоўны фарпост новай сталіцы Расіі, перажыла часы ўзвышэння і заняпаду. Яе росквіт адлюстравалі фотаздымкі 1913 года, калі лаўра адзначала свае 200-годдзе. Менавіта яны прадстаўлены на духоўна-асветніцкай выставе “Пакроўскі кірмаш” у Мінску (выстава празуе з 5 па 12 кастрычніка ў Палацы мастацтваў па адрасу вул. Казлова, 3).
Фотаздымкі прывез праўнук святога Серафіма Вырыцкага Генадзь Аляксандравіч Мураўеў. У гады рэвалюцыі яго продак - багаты пецярбургскі купец Васіль Мікалаевіч Мураўеў замест таго, каб выехаць за мяжу, як многія яго суайчыннікі, разам з жонкай прыняў манаскі пострыг, а пазней стаў духаўніком Аляксандра-Неўскай лаўры. Жонка яго стала манашкай Новадзявочага манастыра у Пецярбурзе.
Напярэдадні разгрому абіцелі, у 1932 годзе, па прычыне хваробы Васіля Мураўева выпраўляюць у Вырыцу, дзе яму да спачыну давялося несці крыж духоўнага покрыву людзей, што прыходзілі да празарлівага старца. У гады вайны, як і Серафім Сароўскі, ен 1000 дзен маліўся, стоячы на камяні, за вызваленне Айчыны.
«Савецкія ўлады старца не чапалі, але яго сына некалькі разоў арыштоўвалі, апошні раз у 1941 годзе. Яго растралялі ў Екацярынбурзе, таму ў сям” і не частка казалі пра айца Серафіма, - кажа Генадзь Аляксандравіч. - Я пачаў цікавіцца яго жыцем даволі позна і позна прыйшоў да веры, аднак у Бога ўсяму свой час”.
Па прафесіі ён інжынер- будаўнік, а зараз член камітэта “Серафім Вырыцкі”, які дзейнічае пры Аляксандра-Неўскай лаўры. Наступным разам Генадзь Аляксандравіч Мураўёў абяцае прывезці ў Мінск выстаўку, прысвечаную яго святому продку.
Сучаснікам святога Серафіма Вырыцкага быў свяшчэннамучанік Афанасій Каўроўскі ( Сахараў). Ікону свайго пакравіцеля прывезлі на «Пакроўскі кірмаш» сестры Свята- Казанскага манастыра з Уладзіміра. Сястра Іларыя расказвае, што ён змагаўся супраць абнаўленцаў, стаяў за чысціню веры і склаў Службу рускім святым. Менавіта яму належаць словы “Русь святая, храни веру православную”. Вядома, што яму, ў цяжкую хвіліну, яўляўля Гасподзь са ўсімі рускімі святымі.
Не асуджаць людзей, а зазіраць перш за ўсе ў свае сэрца вучыў празролівы старац Іаан Маслаў. Выхаванец Глінскай пустыні стаў ужо ў маладыя гады духаўніком Троіца-Сергіевай лаўры, а потым і нашага Жыровіцкага манастыря, удзельнічаў у яго адраджэнні. На “Пакроўскім кірмашы” адбылася сустрэча з яго духоўным выхаванцам протаіерэем Мікалаем Леўшуком. Па бласлаўленні старца айцец Мікалай адрадзіў храм у весцы Святая Воля і будуе там манастыр. Ён адказаў на пытанні ўдзельнікаў сустрэчы з пазіцый настаўленняў айца Іаана Маслава.
“Самае галоўнае ў духоўным жыцці, праз што мы ўзрастаем духоўна - гэта малітва, - кажа ацец Мікалай. Часам чалавек пачынае штодня маліцца, а потым астывае, і кажа : “Навошта ўвогулле маліцца, калі ў мяне не атрымліваецца?” Малітва патрабуе мужнасці. З боем чалавек адваёўвае дасягнення сапраўднай малітвы. Нават, калі вы стомлены і малітва ваша здаецца халоднай, для Бога яна больш каштоўная, таму што праз “не магу” зроблена. І гэта праз “не магу” у духоўным жыцці мае вялікае значэнне”.
Слухайце праграму “Святло душы” 12 кастрычніка ў 8.30 на Першым нацыянальным канале Беларускага радые.
Паўтор у той жа дзень на канале “Культура” ў 21.30./ sobor.by/
(просмотров 3278) |
ГЛАВНАЯ
ФОТО
ВИДЕО
АУДИО
НОВОСТИ
ФОРУМ
