| | 17 АПРЕЛЯ 2019 (Среда) 15:49:18 Свяшчэннамучанік Іаан Вячорка (1890–1933) уваходзіць у Сабор навамучанікаў і вызнаўцаў зямлі Беларускай. Нарадзіўся ён у вёсцы Касарычы Бабруйскага павета ў сям’і псаломшчыка.
Скончыў Мінскую духоўную семінарыю (1913). Накіраваны псаломшчыкам у Георгіеўскую царкву ў родную вёску. Праз 2 гады рукапаложаны ў іерэі і прызначаны настаяцелем царквы ў гонар Пакрову Божай Маці ў вёсцы Крываносы Старадарожскага раёна.
Падчас польскай акупацыі 1919-20 гадоў падвяргаўся ўціску з боку новай адміністрацыі. Першы раз быў арыштаваны ў 1928 годзе, калі прыход не здолеў своечасова заплаціць непамерны падатак, што накладаўся на цэрквы, і пасаджаны на 9 месяцаў у слуцкую турму. Вярнуўшыся, працягваў служыць у царкве.
Паўторна арыштаваны 18 сакавіка 1933 года з шэрагам актыўных прыхаджан паводле ілжывага абвінавачання ў "антысавецкай агітацыі". Падчас допытаў адмовіўся прызнаць сваю віну і заявіў: "Прад’яўленыя мне абвінавачанні з’яўляюцца перашкодай для выканання абрадаў рэлігійнага культу і маюць на мэце закрыццё царквы. У сваёй дзейнасці я не выходзіў за рамкі рэлігійных абрадаў". Праз месяц пакутніцкіх допытаў быў расстраляны без суда і следства ў Бабруйску.
Сям’я святара ў маі 1933 выслана на Урал.
Рэабілітаваны прэзідыумам Мінскага абласнога суда 11 чэрвеня 1960 года. Асабовая справа В. № 16555-с захоўваецца ў архіве КДБ Беларусі. У 1999 годзе Сінодам Беларускай Праваслаўнай Царквы кананізаваны і далучаны да ліку святых новапакутнікаў.
Па матэрыялах marakou.by і sppsobor.by/ sobor.by/
(просмотров 1269) |
ГЛАВНАЯ
ФОТО
ВИДЕО
АУДИО
НОВОСТИ
РАСПИСАНИЕ
