| | 24 ОКТЯБРЯ 2013 (Четверг) 17:16:51 Праграмма “Святло душы” пазнаёміць слухачоў з цудатворнымі лясныя крыніцамі і святынямі Баркалабава. Калі мы пад'язджалі да Чавусаў, дождж ўзмацніўся, але нас чакалі ўдзельнікі крэснага хода. Пад праліўным дажджом разам мы рушылі да новага Узнясенскага храма, які ў гэты дзень асвяціўся Благадатным іерусалімскім Святлом.
Чавусы запомніліся не толькі сваімі мясцінамі, але і сустрэчамі з яго жыхарамі. Паўсюль, куды бы мы не заходзілі з членамі экспедыцыі - у школах, бальніцах, дамах-інтэрнатах, - нас віталі дабразычлівыя людзі, ладзілі сустрэчы з паэтамі, артыстамі, пісьменнікамі, педагогамі. Запрасілі нас і на вечарыну, на якую сабралася бадай уся мясцовая інтэлігенцыя. Сярод выступаючых значыўся Пётр Фёдаравіч Лысенка, прафесар, археолаг, кіраўнік раскопак старажытнага драўлянага горада Бярэсце.
Пахмурным ранкам лясістымі шляхамі мы рушылі да святых крыніц ля вёскі Гамарня, дзе нас чакалі гасцінныя жанчыны з караваем. На пытанне, чаму лясную крыніцу ля вескі Гамарня назвалі Захаранкай, нам ніхто не адказаў. Але паведамілі, што ля яе калісьці стаяла капліца ў гонар святога Іліі, якая аднойчы, на Вялікдзень, разам з народам пайшла пад зямлю. На яе месцы ўтварыўся
каскад крыніц, вада з якіх, кажуць, лечыць хваробы вачэй. Раней людзі вадзілі кароў з хваробамі на вочы па выкапанай канаўцы да вады, прамывалі вочы і хвароба адступала. Да крыніц прыходзілі людзі не толькі з навакольных вёсак, але і прыязджалі з суседніх раёнаў Беларусі і Расіі. Кажуць, кожны год з зямлі прабіваецца новая гаючая крынічка. Каля яе ставяць новы крыж, асвячаюць і павязваюць фартушкі - у знак падзякі Госпаду за збаўленне ад хваробы. Таму лясная дарога да крыніцы аказался добра пратаптанай. Далей наш шлях пралягаў у старажытную вёску Баркалабава, якая была заснавана полацкім ваяводам Баркулабам Корсакам у 1564 годзе. Ён пабудаваў там замак і дзве царквы. Дачка ваяводы Ева Баркулабаўна ўзяла шлюб з князем Багданам Саламярэцкім. Тут у свой час быў напісаны “Баркалабаўскі летапіс”- помнік беларускай літаратуры, працавалі вучоныя-асветнікі Лаўрэнцій Зізаній і Мялецій Сматрыцкі, аўтары славянскай “Азбукі і Граматыкі”. Яны вучылі дзяцей князя, а Мялецій Сматрыцкі разам з маладым панічам Багданам выправіўся ў Еўропу вучыцца. Род князёў Саламярэціх абараняў Праваслаўе, заснаваў многія манастыры і брацтвы. Праўда, Казанская царква ў самім Баркалабаве была пабудавана на пачатку 20 стагоддзя. Гадоў дзесяць таму назад вернікі вялі барацьбу за вяртанне храма, які быў ператвораны ў школьны спортзал. Падыходзячы да адроджанай святыні, мы гутарым з прыхажанкай Любоўю Іванаўнай Матвеевай. Яна паказала нам стары драўляны крыж. Яго замураваў у сцяне святар храма Васіль Сас-Аляшкевіч, якога у 1937 годзе закатавалі у турме, з надзеяй, што некалі святыню знойдуць. Так і адбылося падчас адраджэння царквы.
... На пачатку 17 стагоддзя Саламярэцкія закладаюць у Баркалабаве манастыр, галоўнай святыняй якога становіцца Баркалабаўская ікона Божай Маці. Калі воды Дняпра сталі падмываць высокі бераг, на якім трымалася святыня, людзі памянялі рэчышча ракі. Як успамін аб ратаванні манастыра засталося возера Старык.
... Цяперашні Баркалабаўскі манастыр сустрэў нас прывітальным звонам. Яшчэ нядаўна на яго месцы была вялікая паляна. Калі манастыр закрылі, людзі зруйнавалі яго, але святыня адраджаецца.
Баркалабаўскі вобраз Божай Маці прайшоў шмат выпрабаванняў, сляды якіх засталіся на шматпакутнай іконе. Нейкі час яе хавалі людзі, потым яна стала святыняй Свята-Троіцкага храма ў Быхаве, а цяпер з крэсным ходам вярнулася ў манастыркія муры.
У апошні дзень нашага падарожжа “Дарога да святынь” прывяла нас у Быхаў, дзе адначалася свята беларускага пісьменства і кіраўнік экспедыцыі Ніна Загорская падводзіла яго вынікі...
Праз год мы зноў выправімся з Благадатным Агнём да беларускіх святыняў, абраных Богам у нашым краі, ушанаваных людзьмі і пакуль забытых, каб асвяціць да іх дарогу і далучыць да адвечнай памяці...
Слухайце праграму “Святло душы” 26 кастрычніка ў 8.30 на Першым нацыянальным канале Беларускага радые. Паўтор у той жа дзень у 21.30 на канале “Культура”.
/ sobor.by
(просмотров 6282) |
ГЛАВНАЯ
ФОТО
ВИДЕО
АУДИО
НОВОСТИ
РАСПИСАНИЕ
