| | 19 АПРЕЛЯ 2014 (Суббота) 03:27:11 У царкоўнай службе гэтага дня сустракаюцца такія словы: “Сия суббота есть преблагословенная”. Чаму? Здавалася б, прайшла трагічная Вялікая Пятніца, і Гасподзь пахаваны ляжыць Сваім целам у магіле. Чаму ж яна “преблагословенная”?
Царква вучыць, што гэты дзень, дзень Вялікай Суботы, – гэта сапраўдны дзень спакою. Такога спакою, адпачынку, які сам Творца свету, Гасподзь, Які стаў чалавекам, пасля гэтых страшных пакут Вялікай Пятніцы, нарэшце, супакоіўся. Знайшоў спакой, і целам Сваім спачывае. І пры гэтым душою Сваёю Гасподзь сыходзіць у пекла і адтуль вызваляе, выводзіць усіх старазапаветных праведнікаў, якія доўга чакалі, як у турме, як у вязніцы чакалі гэтага дня вызвалення з пекла. Нарэшце, прыйшоў гэты час.
Вялікая Субота – гэта ўжо дзень, можна сказаць, пераходу да самой Пасхі. Бо Пасха - гэта таямніца перамогі над смерцю. І вось пакуль не стаў яўным сам факт Уваскрашэння, пакуль яшчэ не ўбачылі апосталы Хрыста ўваскрэслага, тое, што нам адкрыта у Святым Пісанні, - сыходжанне душы Хрыстовай у пекла і разбурэнне пекла – гэта ўжо перамога Хрыста над смерцю. Яна яшчэ небачная нашымі фізічнымі вачыма, але яна рэальная.
Са страхам і трымценнем мы стаім у гэты дзень на чароўнай Літургіі, і Царква нас заклікае да асаблівай засяроджанасці: ”Да молчит всякая плоть человечья, и ничтоже земное в себе да помышляет”. Калі Гасподзь ляжыць у супакаенні, то і ў нас павінен быць гэты ўнутраны супакой, гэтая засяроджанасць, гэтае сузіранне таямніцы Хрыста, Які целам Сваім у магіле, душою ў пекле, і разам з тым Ён з разбойнікам, якому абяцаў перад Сваёй смерцю “Сёння будзеш са Мною ў раі”.
Вялікая Субота. Мы пакланяемся Госпаду пахаванаму, і мы чакаем, чакаем яго Ўваскрасення.
На чароўнай Літургіі чытаецца пятнаццаць парымій - старазапаветных чытанняў, у якіх раскрываюцца гэтыя падзеі смерці Гасподняй, пахавання Гасподняга. Падзея адкуплення, як яна прадказвалася праз стагоддзі, як яна была яўлена ў правобразах. І вось нам важна гэта перажыць, гэта ўважліва праслухаць і прыняць. Прыняць для таго, каб духоўны вопыт наш пасля гэтай малітвы, пасля гэтай службы Вялікай Суботы, стаў большым. Каб мы зрабілі апошні наш крок ратавання да светлай і радаснай Пасхі, да Святога Вялікадня.
/ sobor.by/ Протаіерэй Сергій Гардун
(просмотров 4766) |
ГЛАВНАЯ
ФОТО
ВИДЕО
АУДИО
НОВОСТИ
ФОРУМ
