Белорусский экзархат Московского патриархата
HRAMVSR.BY Центр духовного просвещения и социального служения
"Всех скорбящих Радость", Минск
Вялікая Серада – гэта дзень вялiкага пакаяння i вялiкай здрады
| 16 АПРЕЛЯ 2014 (Среда) 03:03:16 Сёння Святая и Вялiкая Серада. Апошнiя днi перад Пасхай па царкоўным календары пазначаюцца словамі “Святы” і “Вялікі”. І вось сёння Вялікая Серада. Чаму? Таму, што ў гэтыя дні Царква хоча, каб кожны з нас апошнія дні зямного жыцця Госпада прайшоў разам з Iм. Што адбылося ў сераду, перад смерцю Спасіцеля? Дзве галоўныя падзеі. Жанчына-блудніца прыйшла да Госпада і раскаялася ў сваіх грахах, сваімі слязьмі абмыла Яго ногі і валасамі сваімі выцерла іх. І Гасподзь прыняў гэтае пакаянне, дараваў ёй грахі. Для ўсіх нас застаўся гэты прыклад шчырага пакаяння жанчыны, якая доўгі час жыла зусім іншым жыццём. Гасподзь ёй сказаў вельмі важныя словы: “Адпускаюцца грахі твае Мной за тое, што ты узлюбіла Бога”. І гэта сапраўды загадка для нас: як жанчына, якая, можна сказаць, прывыкла да жыцця грахоўнага, магла так узлюбіць, так пакаяцца, што Гасподзь убачыў сапраўдную глыбіню яе пакаяння і сілу яе любові. І вось разам з гэтай падзеяй узгадваецца іншая падзея, трагічная падзея. Адзін з дванаццаці бліжэйшых вучняў Госпада - Іуда - ідзе да першасвятароў і прапануе ім выдаць Госпада. Яны даюць яму трыццаць срэбранікаў - ён бярэ і думае, як і ў які час дапамагчы арыштаваць Госпада... Вялікая Серада – гэта дзень здрады Іуды. Гэта страшны, трагічны выпадак, які нам паказвае, як блізкі чалавек можа аказацца здраднікам. Царква звяртае ўвагу і на тое, як Іуда паквапіўся вось на гэтыя срэбранікі, на гэтыя грошы, якія яму прапанавалі. І да кожнага з нас яна звяртаецца з настаўленнем. Многа раз, на службе асабліва, паўтараем, што менавіта срэбралюбства было адной з прычын гэтай здрады. У Вялікую Сераду служыцца апошняя Літургія раней асвячоных Дароў. Літургія асаблівая, напоўненая пакаянным настроем і асаблівымі спевамі. І ў канцы гэтай Літургіі святар просіць прабачэння ў прыхаджан, а яны просяць прабачэння ў яго за ўсе саграшэнні, якія былі ў час святой Чатырохдзесятніцы, у час Вялікага Посту. / sobor.by/ Протаіерэй Сергій Гардун (просмотров 4533) |
Новости разделов:
|
|||||
|
© www.sobor.by 2004 - 2025. |
|||||