Белорусский экзархат Московского патриархата
VSR.SOBOR.by Приход храма иконы Божией Матери
"Всех скорбящих Радость", Минск
Інтэрв'ю з архіепіскапам Полацкім і Глыбоцкім Феадосіем слухайце ў праграме “Святло душы”
Юбілейныя ўрачыстаці пачаліся хрэсным ходам з іконай Божай Маці “Адзігітрыя-Дзісненская” і часцінкай мошчаў свяшчэннапакутніка 20 стагоддзя Канстанціна-прасвітара Шаркаўшчынскага, які прайшоў па гарадах і вёсках епархіі. Адбыліся Рэспубліканскія Свята-Еўфрасіннеўскія педагагічныя чытанні, урачыстыя сустрэчы ў бібліятэках, навучальных установах, сацыяльных аб'ектах. Частка юбілейных падзей супала са святкаваннем 500-годдзя беларускага кнігадрукавання і Днём беларускага пісьменства, якое адзначалася ў Полацку. У гэтыя дні прайшла презентацыя кнігі Новага Запавету на беларускай мове. Узгадаем, што адна з найдаўнейшых кніг беларусаў - Полацкае Евангелле. Кульмінацыяй святкавання стала богаслужэнне ў Сафійскім саборы Полацка.
Услед за Кіевам полацкая зямля прыняла Праваслаўе. Князям полацкім стаў сын хрысіцеля Русі Уладзіміра і княгіні Рагнеды ( у манастве Анастасіі) Ізяслаў. Ад яго пайшоў род князёў полацкіх - будаўнікоў храмаў і заснавальнікаў крыніц кніжнай мудрасці, з кораню якіх узрасла святая Еўфрасіння. Нездарма ў дні святкавання юбілею ў горадзе быў устаноўлены памятны знак “Полацк- калыска беларускай дзяржаўнасці”. Праз хрысціянства полацкая зямля прыняла евангельскія даброты, якія паўплывалі на станаўленне дзяржаўнасці і духоўнае жыццё народа.
Размова з архіепіскапам Полацкім і Глыбоцкім Феадосіем выйшла ў праграме “Святло душы” 30 снежня на Першым нацыянальным канале Беларускага радыё.
Фота з сайта oroik.by.
/ sobor.by/
(просмотров 3211)
Новости разделов:
|
|||||
|
© www.sobor.by 2004 - 2026. |
|||||