ГЛАВНАЯ
ФОТО
ВИДЕО
АУДИО
НОВОСТИ
РАСПИСАНИЕПраваслаўныя святкуюць Увядзенне
| 4 ДЕКАБРЯ 2014 (Четверг) 14:00:48 Сёння радаснае свята - дзень Увядзення ў храм Прасвятой Багародзiцы. Гэтае свята, гэтая падзея сама па сабе радасная таму, што многія ў гэты дзень убачылі, як Гасподзь адказвае на малітвы, як Гасподзь пачуў малітвы святых бацькоў Прасвятой Багародзіцы Іакіма и Анны - нарадзілася ў іх дзіця, - і як яны выканалі сваё абяцанне Госпаду. А яны абяцалі прысвяціць гэтае дзіця на служэнне Богу. И вось толькі споўнілася тры гады іхней дачцэ Марыі, яны ўрачыста павялі яе ў храм, дзе пакінулі на выхаванне. Сваё такое доўгачаканае, такое жаданае дзіця - самае дарагое , што яны мелі, - яны аддалі Госпаду. Яны прывялі яе ў храм - у самае святое на зямлі месца. Мы можам гэтага не зразумець , можам падумаць: «як яны маглі растацца са сваім дзіцем?» Але яны ведалі, што нідзе для дзіцяці няма месца лепш, чым у храме; яны ведали, што ў храме асаблівая прысутнасць Божая, што ў храме асаблівая благадаць Божая, што менавіта ў храме ўзрастанне чалавека адбываецца так, як яно задумана Богам - у паўнаце. У гэтым, можна сказаць, увесь сэнс нашага жыцця - у якой ступені кожнаму з нас удасца выканаць прызначэнне Божае. Выканаць вось гэтую задуму Божыю пра чалавека, здейсніць, рэалізаваць гэта ў сабе, як апостал Павел кажа, «вырасці ў поўную меру ўзросту Хрыстовага». И вось у гэты дзень, у гэтае свята, разважаючы пра гэтую падзею, мы, па-першае, можам павучыцца ў святых богабацькоў Іакіма и Анны іх вернасці Богу, іх адданасці Богу, таму, як яны выканалі перад Богам сваё абяцанне. І мы таксама можам убачыць, як атмасфера храма Божага, благадаць, якая ёсць у Храме Божыім, дапамагла маленькай дзяўчынцы стаць жывым Храмам Божыім - стаць Той, Якая ў Сабе, у Сваім улонні спадобілася ўмясціць Бога и таму называецца «жывым адушаўленным Храмам Божыім». Але и ўсе мы – кожны хрысціянін - так сама пакліканы да таго, каб стаць храмам Духа Святога. Як гэта дасягаецца? Гэта дасягаецца праз малітву, гэта дасягаецца праз пост, і гэта нам асабліва трэба памятаць. У гэтыя дні – у дні ражджэственскага посту, калі мы рыхтуемся да сустрэчы свята Нараджэння Хрыстовага, - кожны з нас можа стаць храмам Божыім: мы атрымалі благадаць Божыю ў Таінстве Хрышчэння, мы атрымалі благадаць Божыю ў Таінстве Мірапамазання, мы атрымліваем кожны раз благадаць Божыю ў Таінстве Пакаяння, калі каімся ў сваіх грахах - Гасподзь нам іх даруе. Мы атрымліваем благадаць Божыю, калі прычашчаемся Святых Таін Хрыстовых. І вось у гэты перыяд - у перыяд чакання Нараджэння Хрыстовага, у перыяд посту - нам, праваслаўным хрысціянам, трэба абавязкова ўсім паспавядацца и прычасціцца Святых Хрыстовых Таін. Мы праслаўляем сёння Прасвятую Багародзіцу, і мы жадаем усім, и сабе таксама, каб кожны з нас, удастоіўся быць храмам Бога Жывога. Амінь. / sobor.by/ Протаіерэй Сергій Гардун. (просмотров 2771) |
Новости разделов:
