Белорусский экзархат Московского патриархата
VSR.SOBOR.by Приход храма иконы Божией Матери
"Всех скорбящих Радость", Минск
“Упэўненасць веры і мужнасць”. Польскія беларусы зрабілі цыкл перадач пра Праваслаўе на роднай мове
Ідэя перадачы з’явілася каля двух гадоў таму. Пасля таго як іншы беларускамоўны праект таварыства Orthnet, “Беларускія смакі Падляшша”, атрымаў вялікі поспех, узнікла думка стварыць праект, у якім выступалі б звязаныя з Праваслаўем асобы. Там павінны былі з’явіцца як духоўныя асобы, так і свецкія, што актыўна ўдзельнічаюць у жыцці Царквы і звязаны з беларускай меньшасцю ў Польшчы. У той жа час у супрацоўніка польскага дэпартамента нацыянальных і этнічных меншасцяў узнікла ідэя цыклу перадач, у якім расказвалася б не пра людзей, але пра важнейшыя аспекты нашай веры. Гэтая ідэя спадабалася супрацоўнікам Orthnet, і яны прыйшлі да разумення, што лепей за ўсё было б, калі б такія перадачы прадстаўлялі сабой гутарку пра веру з уладыкам Іерэміям. Варта адзначыць, што уладыка Іерэмія – адзін з беларусаў Падляшша, чалавек, які заўсёды падкрэсліваў сваю прыналежнасць да беларускага народа і любоў да роднай мовы. Ен некалькі разоў наведваў Беларусь, шмат супрацоўнічаў з брацтвам у гонар Віленскіх мучанікаў Антона, Іаана і Яўстафія пры мінскім Петрапаўлаўскім саборы.
На жаль, па прычыне дрэннага стану здароўя уладыкі рэалізацыя праекту зацягнулася, але цяпер нарэшце можна праглядзець першыя часткі відэацыкла. Увесь відэацыкл уключае ў сябе 12 перадач, якія будуць выходзіць да канца гэтага года на партале Cerkiew.pl. Зараз даступныя два выпускі – “Еўхарыстыя” і “Споведзь”.
Чытайце роўнеж:
"Не стала вялікага беларуса". Успаміны пра ўладыку Ўроцлаўскага Іерэмію
"Его нельзя было не любить". В Минске прошла встреча в память о владыке Иеремии
/ sobor.by/ Пераклад Надзеі Філіпчык па матэрыялах cerkiew.pl
(просмотров 2715)
Новости разделов:
|
|||||
|
© www.sobor.by 2004 - 2026. |
|||||